LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

Bo mes blòg numa: Ban liber, ban blòg

«Bo mes blòg numa», un proyekto di alfabetisashon digital ku e ophetivo di empoderá e personanan i su komunidatnan, esta empoderá e sosiedat sivil

f65831923E blògfera na Papiamentu a pèrdè esun ku sin duda tabata su mayor kontribuidó: Ban Liber, blòg Krioyo-Kosmopólito na Papiamentu skirbi pa Kaitano Sarah-Mart. Mas aya di e chòis personal, e prinsipal motibu tabata e poko eko i partisipashon riba Ban Liber. Promé ku nada mi lo gusta felisitá Katiano pa e enorme i balioso trabou ku e la desaroyá den marko di Ban Liber, esta dosshen i piku artíkulo ku por lo pronto lo keda riba Ban Liber komo un testimonio di un blòg Krioyo-Kosmopólito na Papiamentu ku un dia tabata eksistí. Ban Liber a yama ayó no sin laga un kontribushon i proposishon masha interesante:

Mi a pensa un otro manera pa mas literatura na Papiamentu akiriba, di poeta i skritornan Krioyo ku sa unda nan ta bai. Podisé un Blòg mas habrí pa tur por parti nan obra. Aworakí tempu ta bai laga mi i lo mi no por organisá esaki, podisé un otro si.

E idea aki riba ta great i nos, for di e tim di SimanAki!, por haña tempu pa organisá e blòg mas habrí ei. Esaki por ta un granito mas ku por djòin na e hermentnan ku ya kaba nos a desaroyá: E korektor ortográfiko pa Papiamentu/o i e portal di blòg na Papiamentu. Pero manera mi tabata bisa algun luna pasá e hermentnan ei lo keda bashí si nos no ta traha den esei mas nesesario awendia, esta, purba revitalisá e komunikashon riba retnan distribuí i pone bareranan na e resentralisashon di e ret impulsá dor di e popularisashon di e asina mal yama retnan sosial.

Manera nos tabata bisa ya for di algun aña kaba Alfabetisá ta blògisá. Probechando e situashon positivo mi ta kere ku ta ora pa nos lansa, un bia mas pero awor na Papiamentu, e proyekto «Bo mes blòg numa», un proyekto di alfabetisashon digital ku e ophetivo di empoderá e personanan i su komunidatnan, esta empoderá e sosiedat sivil. E tareanan pa desaroyá e proyekto akí lo ta e siguiente:

E reto nos dilanti ta uno masha grandi ma nos ta spera den e biaha haña partnernan ku lo yuda nos tres’é dilanti i duna un impulso positivo na un espasio di deliberashon nobo sin podernan di filter kaminda tur i un por emití, esta kontribuí na e kreashon di e agènda públiko òf kreá su mes agènda.

«Bo mes blòg numa: Ban liber, ban blòg» recibió 0 desde que se publicó el Domingo 10 de Marzo de 2013 . Si te ha gustado este post quizá te gusten otros posts escritos por Manuel Ortega.

Deja un comentario

Si no tienes todavía usuario puedes crear uno, que te servirá para comentar en todos los blogs de la red indiana en la
página de registro de Matríz.