LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

«Eŭropano» ekpaŝas al pli egalecema Eŭropo

Ni volas aparte danki al jam pli ol dek personoj kiuj mone kontribuis al la projekto. Ni respondece reagas al via decido kaj kun plej granda peno laboras kaj laboros por kontentigi vin kaj prezenti al vi ĝuindajn rezultojn.

Prácticas en las Indias

la-estonto-estas-niaNi estas tre feliĉaj. Pasintan vendredon ni lanĉis nian projekton kaj komencis kolekti monon por kovri la bazajn kostojn kiujn postulas la funkciigo de reta ĵurnalo kaj kelkaj aliaj retaj servoj kiuj utilos al ni por vivigi Eŭropan konversacion.

Dum tiu ĉi unua semajno de nia projekto multo okazis kaj ni multe progresis. Dank’ al la valorega kontribuo de Fabrício Valle, Kinga Nemere-Czachowska, Baptiste Darthenay kaj Steve Herrick nun eblas informiĝi pri Eŭropano en 5 lingvoj – Portugala, Angla, Pola, Hispana kaj Franca – krom Esperanto. Koran dankon al vi karaj tradukintoj.

Dum tiu ĉi semajno ni ankaŭ publikigis kelkajn afiŝojn kiuj helpas pli bone kompreni la kuntekston en kiu «Eŭropano» naskiĝas kaj la historian momenton kiun Eŭropo travivas. Ni eĉ alfrontis nian unuan batalon kaj redaktis artikolon por la ĵus aperinta junia numero de Eŭropa Bulteno. Ni tre dankas al Zlatko Tišljar pro la ŝanco rakonti pri nia projekto en la oficiala organo de Eŭropa Esperanto-Unio.

Kaj aparte ni volas danki al jam pli ol dek personoj kiuj mone kontribuis al la projekto. Ni respondece reagas al via decido kaj kun plej granda peno laboras kaj laboros por kontentigi vin kaj prezenti al vi ĝuindajn rezultojn.

Ni profitas la okazon por respondi al oftaj demandoj.

Pri tio kion ni publikigos kaj la rigardo kiu nutros ĝin

«Eŭropano» sekvos la Eŭropajn okazintaĵojn, publikigos plej interesajn novaĵojn, analizos argumentojn, redaktos kulturajn raportojn. Nia celo estos kiel eble plej profunde analizi kaj prezenti al vi la argumentojn kaj fortojn kiuj agas kadre de la okazaĵoj.

«Eŭropano» estos unika fonto kaj ilo por kompreni sociajn fenomenojn okazantajn aŭ okazontajn kadre de la Unio kaj ĝenerale en Eŭropo.

Ni proponas al vi projekton realigeblan ĉi tie kaj nun sed ni ne fermas la okulojn al la estonteco. Tute male, tiu ĉi projekto fontas el konstanta rigardo al la estonteco kaj enhavas ingrediencojn kiuj, ni firme kredas, kontribuos al pozitivaj ŝanĝoj ne nur en la lingva tereno sed en kiel eble plej multaj terenoj.

Kelkaj vortoj pri la reta platformo

«Eŭropano» estos reta partoprena ĵurnalo, tio signifas, ke legantoj povos partopreni diversmaniere, ili povos komenti, proponi temojn, respondi al enketoj, krei siajn proprajn enketojn, malfermi debatgrupojn kaj plej grave konversacii kun aliaj legantoj, redaktantoj de novaĵoj, respondeculoj de «Eŭropano». Resume ne nur esti legantoj kaj konsumantoj de informo sed aktive partopreni la konversacion.

Kiel kontribui?

Helpu nin diskonigi la projekton! Ĉu vi tradukemas kaj parolas lingvon al kiu ni ankoraŭ ne tradukis la informon pri la projekto? Ni antaŭdankas! Kaj kompreneble ni invitas vin mone kontribui al la projekto. Nepre informiĝu pri la rekompencoj!

Eĉ unu eŭro tre multe helpos! Memoru! Eĉ guto malgranda, konstante frapante, traboras la monton granitan.

Ĉu vi havas demandon aŭ dubon, bezonas klarigon? Skribu al europano ĉe komunikas.net

««Eŭropano» ekpaŝas al pli egalecema Eŭropo» recibió 1 desde que se publicó el Sábado 2 de Julio de 2016 . Si te ha gustado este post quizá te gusten otros posts escritos por Manuel Ortega.

Deja un comentario

Si no tienes todavía usuario puedes crear uno, que te servirá para comentar en todos nuestros blogs en la
página de registro de Matríz.

El Correo de las Indias es el agregador y plataforma de blogs de los socios del Grupo Cooperativo de las Indias y es mantenido y coordinado por los miembros de la comunidad igualitaria de las Indias