LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

Eŭropdeputitoj malkaŝas la lingvan diskriminacion en Eŭropo

Multas la aferoj en la vivo de la eŭropdeputitoj kiuj restas ne konataj por la plejmulto el ni. Nun La Briteliro malkaŝis la limigojn kiujn la uzo de la Angla kiel pontolingvo starigis por multaj el la eŭropparlamentaj reprezentantoj.

votacion_parlamento_europeoLa revivigo de la lingva debato en Eŭropa Unio post la Briteliro kaptas la atenton ne nur de civitanoj kiuj demandas sin ĉu tiu ĉi estas bona okazo por favori pli egaleceman kaj efikan komunikadon en Eŭropo. Ankaŭ pluraj Eŭropaj politikistoj kaj eŭropdeputitoj aktive partoprenas la debaton.

La eŭropdeputito Danuta Hubner, nun prezidanta la Eŭropparlamenta komitato pri konstituciaj aferoj, kontribuis la unua per klara mesaĝo: «la Angla estas oficiala lingvo ĉar tion komunikis Britio. Se ni ne havas Brition, ni ne havas Anglan lingvon». La deklaroj de Danuta Hubner baziĝas sur la reglamento 1/1958 laŭ kiu ĉiu membroŝtato povas elekti unu kaj nur unu oficialan lingvon inter siaj por iĝi laborlingvo de EU. Laŭ strikta interpreto de ĉi tiu leĝo, pro la eliro de Britio la angla devas ĉesi esti oficiala, ĉar siatempe Irlando elektis la Gaelan, Malto la Maltan kaj Kipro la Grekan.

angla_imperiismoAnkaŭ politikistoj en Francio partoprenis la debaton kaj prezentis opiniojn kongruajn kun la deklaroj de Danuta Hubner. Robert Ménard, urbestro de Béziers atentigis pri la perdo de legitimeco de la Angla en Bruselo kaj Jean-Luc Mélenchon, eŭropdeputito kaj prezidentokandidato, klare manifestis sian malapogon al plua uzado de la Angla kiel laborlingvo.

Ankaŭ menciindas kadre de tiu ĉi debato la decido de la Eŭropa Komisiono favori la uzon de la Franca kaj la Germana en siaj ĵusaj deklaroj kaj agadoj. Sed plej gravan kontribuon al tiu ĉi debato faris la eŭropdeputito Cecilia Wikström.

Cecilia Wikström volis argumenti favore al la plua uzo de la Angla en Eŭropo, tamen, ŝiaj deklaroj malkaŝas la ŝlosilon por kompreni kaj identigi la problemon kiun ni alfrontas: la limigoj kiujn la Eŭropaj reprezentantoj suferas pro la akcepto de la Angla lingvo kiel lingua franca. En intervjuo por la ĵurnalo WSJ ŝi deklaris ke nun pro la eliro de Britio kaj ties denaskaj parolantoj de la Angla lingvo la komunikado en Eŭropo estos iom pli justa ĉar tiam plej multaj en Eŭropa Unio devos paroli fremdan lingvon.

«Mi ĉiam estis frustrita ke denaskaj parolantoj havas tiom grandan avantaĝon» ŝi aldonis.

babelturoĜis nun, neniu kuraĝis laŭte kaj klare diri ke granda parto el la reprezentantoj de la civitanoj ĝuis grandan avantaĝon en la Eŭropa demokratia ludo. Nun, la unuan fojon, Cecilia Wikström klare identigas la problemon kiun ni alfrontas. Ŝia kontribuo senvalidigas la uzon de la Angla kiel pontolingvon sed ankaŭ la uzon de aliaj naciaj lingvoj ĉar ni ĉiam troviĝos antaŭ la sama diskriminacia situacio: denaskaj parolantoj kun grandaj avantaĝoj fronte al parolantoj de fremda lingvo.

Tiu ĉi lingva diskriminacio reganta en Eŭropo estis pritraktita jam en aliaj okazoj kaj jam ekzistas esploroj kiuj indikas ke la uzo de la Angla lingvo kiel lingua franca rekte ekskludas 49% de la Eŭropa loĝantaro.

La Briteliro revivigas la lingvan debaton en Eŭropo kaj donas al ni novan ŝancon por proponi alternativon al tiu ĉi diskriminacia situacio.

«Eŭropdeputitoj malkaŝas la lingvan diskriminacion en Eŭropo» recibió 1 desde que se publicó el Viernes 1 de Julio de 2016 . Si te ha gustado este post quizá te gusten otros posts escritos por Manuel Ortega.

Deja un comentario

Si no tienes todavía usuario puedes crear uno, que te servirá para comentar en todos los blogs de la red indiana en la
página de registro de Matríz.