LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

For di e alfabetisashon digital n’e blògsfera

E sistema bieu di filter informativo di e sistema mediátiko desentralisa ta bira inkapas pa kontené/kibra e fluho di informashon kontrario na e poder una bes ku e blogsfera, e promé medio di komunikashon distribuido, ta alkansá un sierto desaroyo sosial

13ME Alfabetisashon digital ta un proseso di empoderashon personal den kual un persona òf komunidat ta arma su mes den kuadro di e poder di e retnan i e piramit di kompromiso. Subiendo na nivel mas altu di e piramit di kompromiso, e delaster fase den e proseso aki, hende i komunidatnan por kuminsá interaktua tumando palabra – ku un blog – i asina partisipá den formashon di e kontenidonan di e agènda públiko i den algun kasonan konstruí su mes agènda.

Oligarkisashon di e agènda públiko i feudalisashon di e demokrasia

Prome ku e yegada di e blògsfera so gruponan mediátiko grandi i algun institushon polítiko grandi manera e partidonan polítiko i sindikatonan por a partisipá den formashon di kontenidonan di e agènda públiko (proseso konosí komo agenda-setting). Jürgen Habermas a denunsiá kon e fushon entre gruponan multimedia grandi i e élite relativamente stabil di e partidonan polítiko grandi, tabata blòkiá e akseso na e definishon di e agènda públiko, kedando e esfera públiko bashí i asina feudalisando e estado i institushonnan públiko.

E aparishon di e blogsfera

E aparishon i desaroyo di e blògsfera ta kambiando e panorama aki drástikamente . E siberturbanan di Filipina den 2002 of Spaña den 2004 a sosodé presisamente den rebeldia kontra un diskurso mediátiko ku e partisipantenan tabata konsiderá un manipulashon di e poder polítiko. I mas resientemente den Tunesia, Algeria, Egipto i asta Jordania, e blògsfera tabata hunga su ròl den un sentido amplio komo herment di deliberashon di fondo promé ku e mobilisashonnan, .

Mester tene kuenta ku e desaroyo aki no a tuma lugá di un forma homogeneo den tur komunidat òf espasionan geográfiko pero e fenómeno di e siberturbanan ta mustra kon e sistema bieu di filter informativo di e sistema mediátiko desentralisa ta bira inkapas pa kontené/kibra e fluho di informashon kontrario na e poder una bes ku e blogsfera, e promé medio di komunikashon distribuido, ta alkansá un sierto desaroyo sosial.

«For di e alfabetisashon digital n’e blògsfera» recibió 0 desde que se publicó el Sábado 6 de Abril de 2013 . Si te ha gustado este post quizá te gusten otros posts escritos por Manuel Ortega.

Deja un comentario

Si no tienes todavía usuario puedes crear uno, que te servirá para comentar en todos los blogs de la red indiana en la
página de registro de Matríz.