LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

Medianan sosial i e piramit di kompromiso

kon empoderá bo mes òf bo komunidat

piramide_del_compromisoLunanan pasa ma kuminsá lesa hopi informashon riba Internet na Papiamento. Mi a wak kon den último lunanan e palabra media sosial a bira hopi popular riba e agènda públiko den e Islanan ABC. Un di e artíkulonan mas popular riba Papia Digital ta «Uzo di Media Sosial mas efikas» i den un dje último korant di Empresasanan Chiki e tema prinsipal tabata kon usa medianan sosial. E artíkulonan ei ta papia riba diferente servisionan virtual i kon kuminsá usa nan. Nos ta kere ku ta hopi importante promé ku djis kuminsá usa nan no mester puntra nos mes kiko nan por aportá i si nan yuda nos konstruí relashonnan i usonan berdaderamente empoderadó òf si nan ta mara nos na un ret sentralisá den kual nos ta kontrali bou un kontrol sosial masha grandi. E piramit di kompromiso ta hopi útil den e tarea akí pasobra e ta konta nos kua ta e balor di e relashonnan ku nos ta establesé riba Internet i si e hermentnan ei ta empoderá nos si òf no.

Riba e nivel mas abou dje piramit ei nos ta topa ku konosementu di marka i e formanan mas sentralisá i básiko di komunikashon manera publisidat. Ata un so mandadó di informashon i e úniko reakshon sperá di nos ta bai bishitá un wèpsait, konosé un produkto òf e rekonosementu di un logo. E nivel aki ta importante si pasobra pa relashoná ku otro nos mester sera konosí ku nan pero nos mester sa tambe ku e balor di e relashonnan aki ta masha baho pasobra e esfuerso nesesario ta baho tambe. Anto si nos ke desaroyá relashonnan berdaderamente empoderadó nos mester buska subi na e siguiente nivelnan di e piramit di kompromiso.

Den e siguiente nivel di e piramit nos ta topa ku adheshon. Esaki ta korespondé tambe na medianan virtual sentralisá manera e bukinan di karanan (facebook, orkut, tuenti, sonico, xing, èts). E komunikashon ainda tin un so mandadó, ma esun ku ta risibí e informashon por reakshoná ku agrado òf rechaso – mi ta gusta/mi no ta gusta -. Esaki ta un esfuerso chikitu ku ta korespondé ku un kompromiso baho i un grado di poder bandi esun ku ta risibí e informashon masha redusí. Bo poder di reakshon ta mara na un si òf no i pasobra e hermentnan aki ta funshoná riba strukturanan sentralisá bo poder pa emití ta bou kontrol di esun ku ta atministrá e hermentnan ei.

Un ehèmpel kla di e baho balor di e relashonnan riba e nivel aki nos por haña den el artíkulo «Pinturas Uno ta haña masha reakshon atraves di social media/Facebook» den un dje e último korant di Empresa Chikí. Aunke e titular ta hopi positivo pasobra nan a establesé hopi relashonnan riba e nivel aki di e piramit di e kompromiso – adheshon – nos mester rekordá ku e balor di e relashonnan riba e nivel aki ta masha baho i asina ta konstatá den e mes un artíkulo e manager di Pinturas Uno ora e ta konta nos ku «Ounke ya nan tin aña hasiendo uso di Facebook, Lino Chirino no ta mira muchu efekto te ainda pa nan negoshi».

Pero e mayor problema di e bukinan di kara no ta ofresé un espasio kaminda establesé relashonnan di adheshon ku otro. E berdadero efekto negativo di e bukinan di karanan ta purba kibra e kamindanan na e siguiente nivelnan di e piramit di kompromiso. Den nivel aki ta aparesé e kultura di adhesion, un droga pa esnan ku gusta dekretá.

Un nivel mas ariba nos tin e partisipashon, esaki ta típiko di medionan desentralisá manera korantnan online, e kontekstopedianan i wikinan habrí, komentarionan den blògnan, ets. Ainda un divishon kla entre mandadó/risibidó ta eksistí, ma fo’i risibidónan ta spera un grado di kompromiso i aportashon mayor, ku normalmente ta nifiká generashon di kontenidonan kolaborativo. E poder pa emití i duna opinion ta ainda redusí pero ya kaba tin posibilidat pa partisipá den e diskushon di temanan proponé pa e mandadónan. Ainda e poder di filter pa disidí kua informashon òf temanan ta diskutí den e agèndanan públiko ta keda bou kontrol di gruponan chikitu.

E jump mas importante den e generashon di balor ta korespondé na e akseso na formanan di komunikashon basá riba e interakshon, propio di medionan distribuido manera e Blògsfera kaminda no ta eksistí divishon entre mandadó/risibidó. Riba e nivel aki tur i un por emití sin poder di filter pasobra e blògsfera ta e promé media di komunikashon distribuido kaminda niun tin e poder riba kiko bo por òf bo no por publiká. Riba e nivel akí no tin ku warda riba korant, televishon òf radio pa diskutí e temanan ku ta interesá bo. E akseso na e nivel aki ta empoderá hende, komunidatnan, asosiashonnan pasobra nan por kuminsá partisipá den e kreashon di e agenda públiko òf kreá su propio agènda.

Grasia na e piramit di kompromiso bo por hasi un uso útil di servisionan virtual sabiendo kiko bo ta konstruyendo, ki balor tin e relashonnan ku bo ta establesé i kon empoderá bo mes òf bo komunidat.

«Medianan sosial i e piramit di kompromiso» recibió 0 desde que se publicó el Sábado 6 de Abril de 2013 . Si te ha gustado este post quizá te gusten otros posts escritos por Manuel Ortega.

Deja un comentario

Si no tienes todavía usuario puedes crear uno, que te servirá para comentar en todos los blogs de la red indiana en la
página de registro de Matríz.