LasIndias.blog

Conquistar el trabajo es reconquistar la vida

Grupo de Cooperativas de las Indias

videoblog

libros

Paŝoj al la unua Esperanto-urbo en Biskajo

Kadre de la organizado de la Tria Transnacia Renkontiĝo pri Ekonomia Demokratio ni akcelis la serĉadon de la unua Esperanto-urbo en Biskajo. Ja emocie ne facila tasko ĉar ni iras de de enamiĝo al enamiĝo.

Kadre de la planado, organizado kaj diskutado kun la partoprenontoj en la Tria Transnacia Renkontiĝo pri Ekonomia Demokratio ni decidis akceli nian serĉadon de la unua Esperanto-urbo en Biskajo, provinco en la nordoriento de la Ibera Duoninsulo. Bonŝance tiu akcelo de la serĉado profitas el la demarŝoj kaj laboroj jam faritaj dum la lastaj monatoj. Dum pasintaj monatoj ni vizitis plurajn urbetojn kaj vilaĝojn, priparolis la projekton kun lokaj Esperantistoj, lokaj aŭtoritatuloj, turismaj agantoj kaj iomete rete informis.

Laste ni informiĝadis pri du amindaj vilaĝetoj, Ibarengelo (eŭske kaj oficiale Ibarrangelu) kaj Elanĉobo (eŭske kaj oficiale Elantxobe), la unua sur montaj pintoj kaj la dua havena. la akiritaj informoj pri tiuj du vilaĝetoj tentas nin al komuna duvilaĝa Esperanto-urbo. Sed bone ankoraŭ restas fine de la serĉado pesi la diversajn eblojn kaj decidi. Certe malfacile ĉar la informiĝado pri urbetoj kaj vilaĝetoj en Biskajo estas emocie malfacila takso ĉar ni iras de enamiĝo al enamiĝo.

Dume ni jam preparas kelkajn priskribojn pri la biskajaj urbetoj. Sendepende de kiu estos la unua Esperanto-urbo ĉiuj priskriboj estos utilaj ĉar ili estos parto de la bonveniga pakaĵo kiun oni donos al la gastoj de la Esperanto-urbo. Kiel antaŭfrandaĵon ni prezentas al vi priskribeton kiun hieraŭ ni preparis pri Ibarengelo.

La municipo Ibarangelo (kio signifas profundan herbejon) troviĝas en la historia teritorio de Biskajo, ene de la komarko de Busturialdea, proksime de la Biosfero Urdaibai, tiel kiel de la belegaj plaĝoj Laida kaj Laga.

Vilaĝo intime ligita al la agrokulturo, Ibarangelo havas gravan historian heredaĵon, kaj kombinas perfekte, sian mirindan naturan medion kun la historiaj konstruaĵoj kaj lokoj.

Ni komencas nian promenadon en la ermitejo Sagrado Corazón de Jesús, apud la plaĝo Laida. De tie, kaj frandinte la majestan pejzaĝon kiun formas la plaĝo Laga kaj la kabo Ogoño, ni alvenos al la kampara kvartalo Akorda….

Kion oni faros en la elektita urbo por ĝia «verdiĝo»?

Plie kaj paralele al la serĉado ni laboras en la planado kaj dizajno de farotaĵoj necesaj por la «verdiĝo» de la urbeto. En tiu ĉi laboro multe helpas la rete disponeblaj informoj pri la evoluo kaj la laboroj faritaj en la ekzistantaj Esperanto-urboj, inter ili, la avangarda Herzberg am Harz. Jen provizora listo de farotaĵoj kaj eblaj kunlaborontoj por ties plenumo.

  1. Esperantlingvaj vojindikiloj kunlabore kun lokaj aŭtoritatoj, lokaj Esperantistoj kaj entreprenoj
  2. Preparado de informaj paperaj turismaj eldonaĵoj pri la urbo kaj la regiono
  3. Starigo de retejo kie delate informiĝi pri la urbo, alvenebloj, tranoktejoj, vidindaĵoj, distraĵoj…
  4. Kursoj de Esperanto por loĝantoj…apartaj kursoj de baza Esperanto por laborantoj en la turisma industrio kaj urbaj funkciuloj, kunlabore kun la lokaj lernejo kaj kulturdomo kaj Esperantistaj proksimaj Centroj
  5. Dizajno de kulturaj turismaj aktivaĵoj en Esperanto, gviditaj vizitoj, enkonduko al la eŭska lingvo…
  6. Kaj tiel plu…

Certe en la venontaj monatoj novaj farindaĵoj aldoniĝos al la supra listo. Ĝuste tial ni profitas la okazon por fari al vi la jenajn demandojn: Kio, laŭ vi, ja mankas en tiu listo? kion vi petus al Esperanto-urbo por decidiĝi viziti ĝin kaj pasigi kelkajn tagojn?

«Paŝoj al la unua Esperanto-urbo en Biskajo» recibió 0 desde que se publicó el Viernes 7 de Septiembre de 2012 . Si te ha gustado este post quizá te gusten otros posts escritos por las Indias.

Deja un comentario

Si no tienes todavía usuario puedes crear uno, que te servirá para comentar en todos los blogs de la red indiana en la
página de registro de Matríz.